“侬好上海”美眉教你做堵车神操

　　【新民网·独家报道】今天就是清明小长假啦！想出门踏青的你，是否担心“大堵”在路上一动不动？搿种嘎错气个辰光，你会搭做点啥内？听音乐、刷手机、还是骂山门？

　　别急！小侬给你介绍新“功夫”。一套“堵车神操”，只需六个动作，让你堵得色色一一！

　　“堵车妹妹”为你亲身示范～赶紧戳戳下面的视频：

视频：“侬好上海”美眉教你做堵车神操

　　下面是动作分解时间：

　　预备动作，放松~

　　第一节：头颈转一转

　　面孔先往右边转，吸气~头低下来~OK，再吐气。反方向再来一趟~慢慢叫来，当心头颈别牢~~别勿过来覅怪我么讲过~

　　第二节：肩胛放松

　　两只手豪燥抱牢手臂把，抬起来放到骷浪头后头，低头，呼吸~~觉着酸伐？要个就是搿种感觉~

　　第三节：挺胸

　　两只手要从后头抓牢靠背，背挺起来，抬头，侬看勿到都教授在的那颗星星，看看车顶也蛮好类。下趟车顶浪贴眼欧巴~色艺~

　　第四节：坐辣海扭腰

　　身体坐直、右手搭了方向盘浪、左手摆了靠背浪，用腰带牢身体往左边转，再反方向转一转，寻着侬个腰了伐？呒腰个朋友更加要多做做搿动作！

　　第五节：抱脚馒头

　　抬右腿，抱牢脚馒头，脚尖勾起来，再往下头压，做5趟，调另外只脚再做。做好发觉小腿细了就对了！搿节操帮侬消水肿个。

　　第六节：压压手腕

　　两只手摆了方向盘浪，手心朝下，压一压，然后手底心朝上头，再压一压~轻松愉快了伐~

　　做好搿六节操，侬觉着色艺伐？（吃力头丝啊~~）

　　友情提示：做操辰光最好熄火~踏着离合器，车子PONG一记头冲出起，要出事体个，那晓得伐？